.png)
Biz, Azərbaycan Dillər Universitetinin Tərcümə fakültəsinin təşkilatçılığı ilə tərcümə əmək bazarında kadr hazırlığının keyfiyyətinin artırılması məqsədilə keçirilən görüşdə iştirak etdik. Bu görüşdə sahənin qabaqcıl mütəxəssisləri, biznes və dövlət qurumlarının nümayəndələri bir araya gələrək, tərcümə sahəsindəki mövcud tendensiyalar, əmək bazarının tələbləri və təhsil müəssisələrinin bu tələblərə uyğun kadr hazırlığı haqqında ətraflı müzakirələr apardılar. İştirakçılar, gələcəkdə tələbələrə daha çox faydalı olmaq və onların peşəkar bacarıqlarını inkişaf etdirmək üçün birgə əməkdaşlıq məsələlərini müzakirə etdilər. Tərcümə sahəsindəki inkişafın sürətlə davam etməsi, həmçinin təhsil və əmək bazarının dinamik dəyişən ehtiyaclarına uyğun ixtisaslı kadrların hazırlanması üçün atılacaq mühüm addımların planlaşdırılması görüşün əsas nəticələrindən oldu.
.jpg)