.png)
Bir ili daha arxada qoyarkən “Avrasiya” tərcümə mərkəzi olaraq əldə etdiyimiz nəticələrə, qazandığımız təcrübələrə və formalaşdırdığımız yeni istiqamətlərə nəzər saldıqda qürur duyuruq.2025-ci il bizim üçün həm inkişafın, həm yenilənmənin, həm də daha geniş əməkdaşlıq imkanlarının bol olduğu bir il oldu.
Genişlənən əməkdaşlıq xətti və möhkəmlənən tərəfdaşlıq mədəniyyəti
Bu il tərəfdaşlıq şəbəkəmizdə mühüm artım baş verdi. Müxtəlif sektorlarla qurduğumuz yeni əməkdaşlıqlar bizə daha geniş spektrdə xidmət göstərmək, layihələrimizin həcmini böyütmək və bazardakı mövqelərimizi daha da gücləndirmək imkanı verdi. Yeni tərəfdaşlarımızın bizə göstərdiyi etimad və mövcud tərəfdaşlarımızla davam edən qarşılıqlı dəstək 2025-ci ilin ən dəyərli nailiyyətlərindəndir. Birlikdə gerçəkləşdirilən hər əməkdaşlıq gələcək uğurların təməlini möhkəmləndirdi.
İnnovasiya yönümlü idarəetmə və operativlikdə yeni mərhələ
Şirkət olaraq xidmət keyfiyyətini yüksəltmək üçün bu il innovasiyaya daha çox diqqət ayırdıq.
Yeni texnoloji alətlərin istifadə edilməsi, iş axınlarının təkmilləşdirilməsi və daxili proseslərdə çevik yanaşmanın tətbiqi nəticəsində xidmətlərin icrası daha səmərəli və dəqiq şəkildə həyata keçirildi. İşimizin hər sahəsində göstərdiyimiz modernləşmə təşəbbüsləri həm komandanın əhsuldarlığını artırdı, həm də müştərilər üçün daha rahat və operativ xidmət təmin etdi.
Gənc istedadların yetişdirilməsi və komanda potensialının artırılması
Bu il komandamızın inkişafı prioritet istiqamətlərdən biri oldu. Təcrübə proqramlarımız vasitəsilə gənclərə real iş mühiti ilə tanış olmaq imkanı yaratdıq, onların bacarıqlarını aşkarlamağa və təkmilləşdirməyə dəstək olduq. Eyni zamanda əməkdaşlarımız üçün təşkil etdiyimiz təlimlər, həm biliklərin yenilənməsinə, həm də daha peşəkar kadrların formalaşmasına təkan verdi. Unutmayaq ki, güclü komanda davamlı uğurun əsas aparıcı qüvvəsidir.
“Tərcümə məktəbi” – təlimlər və sertifikatlaşdırma
Mərkəzin “Tərcümə məktəbi” proqramı 2025-ci ildə də davam etdirildi. Bu proqram tərcümə qaydaları, səhvlər üzərində iş, real iş mühiti ilə tanışlıq, peşəkar etika və iş prinsipləri kimi mövzuları əhatə edir. Proqramı uğurla bitirən gənclərə sertifikat və tövsiyə məktubu təqdim edilir. Bu isə şirkətin yalnız tərcümə xidməti deyil, eyni zamanda gənclərin təhsil, təcrübə və inkişafı üçün layihələr təşkil etdiyinin göstəricisidir.
Universitetlərlə əməkdaşlıq və gənclərlə görüşlər
2025-ci ilin fevral ayından etibarən bir çox universitetlərdən müxtəlif dillər üzrə tərcümə ixtisasında təhsil alan sonuncu kurs tələbələri “Avrasiya” tərcümə mərkəzində istehsalat təcrübəsinə başladılar. Təcrübə müddətində tələbələrə tərcümə işinin əsas prinsipləri, lüğətlərdən düzgün istifadə, sənəd tərcüməsi və redaktəsi üzrə praktiki biliklər qazandırıldı.
Bundan əlavə, müxtəlif universitetlərlə əməkdaşlıq çərçivəsində gənclərə təlim, konsultasiya və karyera istiqamətləndirmə imkanları yaradıldı. Belə görüşlər və tədbirlər gənclərin real iş mühitinə adaptasiyasını asanlaşdırdı.
Təşəkkür və gələcək planlar
2025-ci il boyunca əldə etdiyimiz nailiyyətlərin hər birində bizimlə yol gedən tərəfdaşlarımızın, müştərilərimizin və komanda üzvlərimizin böyük payı var. Verdiyiniz dəstək, göstərdiyiniz etimad və birgə əməkdaşlıq üçün hər birinizə səmimi qəlbdən təşəkkür edirik. 2026-cı ilə yeni ideyalar, daha böyük hədəflər və inkişafyönümlü planlarla daxil oluruq. Qarşıda bizi yeni imkanlarla dolu bir il gözlədiyinə inanırıq və bu yolda birlikdə daha çox uğur əldə edəcəyimizə əminik.
Ən xoş arzularla!
“Avrasiya” tərcümə mərkəzi komandası
.jpg)